നവവത്സരം, നവാനുഭവങ്ങൾ!

Posted by സുഖിമാന്‍ on February 14, 2013 with 2 Comments

ഈ പുതുവർഷം തകർത്തു!! അഞ്ചു ദിവസം കൊണ്ട് മൂന്നു രജ്യങ്ങൾ – തായിലാന്റ്, കംബോടിയ, മലേഷ്യ. കംബോഡിയയിലാണു പ്രധാനമായും പോകാൻ തീരുമാനിച്ചതു. അങ്ങനെയാണെങ്കിൽ ബാങ്കോക് വഴി പോയിട്ടു മലേഷ്യ വഴി തിരികെ വരാമെന്നായി ചിലർ.

കംബോഡിയൻ ക്ഷേത്രങ്ങൾ തന്നെയായിരുന്നു പ്രധാന ആകർഷണമെങ്കില്ലും, എനിക്കു വളരെ പുതുമയാർന്ന 2 അനുഭവങ്ങൾ ആണു എന്നെന്നും ഓർക്കാനുണ്ടാകുക.

തേളും പുൽചാടിയും

അതെ, വളരെ രുചിയേറിയ തേളിനെയും പുൽചാടിയെയും നോം ഭൊജിച്ചു. സ്ഥലം ബാങ്കോകിലെ കാവൊ സാൻ റോഡ്. നമ്മുടെ നാട്ടിൽ കപ്പലണ്ടി വിൽക്കുന്ന്തു പോലെയാണു അവിടെ ഇതു വിൽക്കുന്നതു.  2 പാക്കറ്റ് വങ്ങി, ഞങ്ങൾ മൂന്നു പേരും കൂടി കഴിച്ചു.  താഴെ കാണുന്ന ലിങ്കിൽ ക്ലിക്കിയാൽ കാണാം, തേൾ സേവ.

മരുവാന

ഇതു സ്ഥലം കംബോടിയ. അവിടെ ഹാപ്പി പിസ്സ എന്നൊരു സംഗതി കിട്ടുമ്മെന്നു ചെന്നന്നു തന്നെ അറിഞ്ഞു. ഞങ്ങൾ കേട്ടതു ലഹരിയുള്ള കൂണിട്ടു പാകപെടുതിയ പിസ്സ കിട്ടുമെന്നാണു. തപ്പി പിടിച്ചു ചെന്നപ്പോളലെ റിഞ്ഞതു സംഗതി മരുവാനയാണൂ. ഒന്നു ഞെട്ടിയെങ്കിലും ഒട്ടും പതറാതെ, രണ്ട് പിസ്സ വാങ്ങിച്ചു. 5 പേർക്കതു പോരയെന്നാണു കടകാരൻ പറഞ്ഞതെങ്കിലും ഞങ്ങൾക്കതു ധാരാളമായിരുന്നു. കഴിച്ചു ഒരു 1 മണിക്കൂറിനുള്ളിൽ ചിരി തുടങ്ങി. കൂട്ടതിലൊരുത്തൻ മഴവില്ലു കാണുന്നു എന്നു പറയുന്നുണ്ടായിരുന്നു, പക്ഷെ എനിക്കു short term memory loss ആയിരുന്നു അനുഭവം. ആരു എന്തു ചോദിച്ചാലും ഉത്തരം പറയാനുള്ള തിടുക്കം, ഉത്തരം പറഞ്ഞു തുടങ്ങിയാൽ പാതി വഴിയെ ചോദ്യം മറക്കും. അടുത്ത ദിവസം ഉച്ച വരെ തലച്ചോറിന്റെ പ്രവർത്തനം അത്ര ഭംഗിയായിരുന്നില്ല. ഇതിന്റെയും വിഡിയോ ഉണ്ട്, പക്ഷെ തൽക്കാലം അതു ബ്ലോഗിലിടുന്നില്ല (ചില സുഹൃത്തുകളുടെ അപേക്ഷ പൃമാണിച്ചു)

അഞ്ചാം ക്ലാസ്സിലെ അസൈന്‍മെന്റ്

Posted by സുഖിമാന്‍ on October 15, 2011 with 1 Comment

നാട്ടിലെ പിള്ളേരുടെ ഒരു ഗതികേട് എന്നല്ലാതെ എന്തു പറയാനാ.. എന്റെ അനിയത്തികുട്ടി, അഞ്ചാം  ക്ലാസ്സില്‍ പഠിക്കുന്നയവള്‍ക്കു അസൈന്‍മെന്റിന്റെ പെരുമഴ. കഴിഞ്ഞയാഴ്ച അമ്മൂമ്മ വിളിച്ചപ്പോളാണു സംഗതിയറിയുന്നതു – പുറം രാജ്യങ്ങളിലെ പത്രം വേണമത്രെ. ഞാന്‍ ഒന്നു രണ്ട് ഓണ്‍ലൈന്‍ പത്രങ്ങളുടെ ലിന്ക് കൊടുക്കാമെന്നു കരുതിയപ്പോളേക്കും  അടുത്ത ബോംബ് പൊട്ടി. ഓണ്‍ലൈന്‍ പ്രിന്റ് പോരാ, നല്ല 22 കാരറ്റ് പേപ്പറിലുള്ള, ഒറിജിനല്‍ സാധനം  വേണത്രെ! കഴിഞ്ഞിട്ടില്ല.. അതു പോരാഞ്ഞു, പുറംരാജ്യത്തെ പട്ടം, ബോട്ട് എന്നിവയുടെ പടവും (അതും ഒറിജിനല്‍ വേണം, നൊ ഇന്റെര്‍നെറ്റ്) അതിനെ പറ്റി ഒരു ചെറുലേഖനവും. ഭാഗ്യത്തിനു എന്റെയൊരു സുഹ്റുത്തു നാട്ടില്‍ പോകുന്നുണ്ടായിരുന്നു. ഒരു ചൈനീസ് പത്രം വാങ്ങി അവന്റെ കയ്യില്‍ കൊടുത്തു വിട്ടു. എന്റെ ഫോട്ടോഗ്രാഫി ഭ്രാന്തുള്ള കൂട്ടുകാരുടെ ഫേസ്ബുക്ക് പേജില്‍ തപ്പി ഒന്നു രണ്ട് പടവും  ഒപ്പിച്ചയച്ചു!.

ഇനിയടുത്ത വര്‍ഷത്തെ അസൈന്‍മെന്റെന്താകുമോ ആവോ.. ചന്ദ്രനിലെ കല്ലോ മറ്റോ ആകും!!

ഇന്ത്യയുടെ മര്‍ലന്‍ ബ്രാന്‍ഡൊ..

Posted by സുഖിമാന്‍ on October 2, 2011 with 5 Comments

കുറച്ചു മാസം മുന്‍പു ഒരു വട്ടു തോന്നി തുടങ്ങിയതാണു വരയ്ക്കാന്‍. അങ്ങനെ കഴിഞ്ഞയാഴ്ച വരച്ച പടമാണു താഴെയുള്ളതു. ആലോചിച്ചു ബുദ്ധിമുട്ടണ്ട, മോഹന്‍ലാലിനെയാണു ഉദ്ദേശിച്ചതു.. ഇതിപ്പൊ പറയാന്‍ കാരണം  ഇതിനു കിട്ടിയ അഭിപ്രയങ്ങളാണു. വളരെ രസകരമായ അഭിപ്രായങ്ങള്‍ ..

ശ്
From My experiments with pencil, paper and eraser

ചൈനീസുകാരി ലാബ്മേറ്റ്:

തനിക്കു ഇത്രേം  മുടിയും  മീശയുമ്മില്ലലോ??

തമിഴു കൂട്ടുകാരി:

മോഹന്‍ലാലൂം  മമ്മൂട്ടിയും  കൂടിചേര്‍ന്നപോലെയുണ്ട്.

തമിഴു കൂട്ടുകാരന്‍:

ഇതു മമ്മൂട്ടി തന്നെ..

ഗുജ്ജറാത്തി കൂട്ടുകാരി: (ചിത്രകാരിയും  കൂടിയാണു.. എന്റെ ചിത്രരചനയ്ക്കു എപ്പോഴും  വന്‍ പ്രോല്‍സാഹനം  തരുന്ന കക്ഷിയാണു..)

തന്റെ രജനികാന്ത് ചിത്രം വളരെ നന്നയിട്ടുണ്ട്..

ബംഗാളി കൂട്ടുകാരന്‍:

നിന്റെ കൂട്ടുകാരനാണൊ? നല്ല മല്ലു ലുക്കു ഉണ്ട്..

പാചകലോകം – ചിക്കന്‍ മസാല..

Posted by സുഖിമാന്‍ on May 20, 2011 with 2 Comments

കഴിഞ്ഞയൊരു 2 ആഴ്ചയായിട്ട് വമ്പന്‍ പാചകത്തിലാണു. മെഴുക്കുപുരട്ടിയാണു പ്രധാനമായിട്ടും.. അതാകുമ്പോ, ആകെ കുളമാകാന്‍ സാധ്യത ഉപ്പു മാത്രമാണു.. അതു ക്രിത്യമായി കുളമാകുന്നുമുണ്ട്. പിന്നെ തൈര്‍ വെച്ചങ്ങ്ട് അഡ്ജ്സ്റ്റ് ചെയ്യും. പയര്‍, വെണ്ടക്ക, കാരറ്റ്, ചീര, മൊളൂഷ്യം, ചോറ്, ചപ്പാതി, ഓംലറ്റ്, എന്നിവ അതിമനോഹരമായി നല്ല കരിഞ്ഞ പരുവത്തില്‍ ഉണ്ടാക്കി കഴിച്ചു.. ഉപ്പു ശരിയാകുമ്പോ, മുളക്കു തെറ്റും, മുളക് ശരിയാകുമ്പോ ഉപ്പും.. എന്തൊക്കെയാണേലും എനിക്കു അസ്സലായി ഇഷ്ടപ്പെടുന്നുണ്ടെന്റെ പാചകം..

ഇതു പഴന്കഥ.. ഇനി ഇന്നതെ കാര്യം. എന്റെ പാചകത്തിന്റെ മഹിമ പറഞ്ഞു പിടിപ്പിക്കുന്നതിനിടയില്‍ മുകളിലത്തെ അപ്പാര്‍ട്ട്മെന്റിലെ പൊന്നു (ശരിക്കുള്ള പേരാ, എന്തൊരു പേരു) പറഞ്ഞു, “നീ ഞാന്‍ പറയൂന്ന സാധനങ്ങളൊക്കെ വാങ്ങി തന്നാല്‍ ചിക്കന്‍ കറിയുണ്ടാക്കി തരാം”. ഞാന്‍ പറഞ്ഞു “സമ്മതം, നൂറ് വട്ടം സമ്മതം!”. ഭക്ഷണം  ഉണ്ടാക്കിതരാമെന്നൊരാള്‍ പറയുമ്പൊ, വേണ്ടാന്നു പറഞ്ഞാല്‍ അതു വെറും  മണ്ടത്തരമെന്നേ പറയാന്‍ പറ്റൂ.. വൈകിട്ടു കിട്ടാന്‍ പോകുന്ന സ്വാദിഷ്ഠമായ ചിക്കന്‍ കറിയുമോര്‍ത്ത് ലാബില്‍ സമയം ഒരു വിധം  6 മണിയാക്കി. ലാബില്‍ നിന്നു നേരെ സൂപ്പര്‍ മാര്‍ക്കറ്റിലേക്കു വിട്ടു…

അങ്ങനെ ചിക്കന്‍ കറി കഴിക്കമെന്നു കരുതി ഇവിടെ സൂപ്പര്‍ മാര്‍ക്കറ്റില്‍ എത്തി, എന്തൊക്കെ വാങ്ങണമെന്നു ചോദിക്കാന്‍ പൊന്നുവിനെ വിളിച്ചപ്പൊ ആളു സ്ഥലത്തില്ല, ചേട്ടന്റെ വീട്ടില്‍ പോയിരിക്കുവാണത്രെ, പ.. പ.. പൊന്നു.. :) എന്നാ പിന്നെ ഞാന്‍ തന്നെ ഉണ്ടാക്കി തിന്നിട്ടെയുള്ളു ബാക്കി കാര്യമെന്നു ഞാനും  തീരുമാനിച്ചു.. ചിക്കനും, ഒരു ചിക്കന്‍ മസാലയും  വാങ്ങി.

ഒരു മണിക്കൂറില്‍ സംഭവം റെഡി. ഇത്തവണെയും  ഉപ്പു കുറച്ചു കൂടി. ഞാന്‍ പിന്നെ കുറച്ചു പഞ്ചസാരയിട്ടു ശരിയാക്കി! ഞാന്‍ കുഴപ്പമില്ലാത്തയൊരു കുക്കാണു… ബൈ ദ ബൈ, യൂറ്റൂബിലെ ഈ ചേച്ചിക്കു നന്ദി.. :)

From Necker cubicle

ഇപ്പോള്‍ നിങ്ങളുടെ മുന്നിലിരിക്കൂന്നതാണു സ്വാദിഷ്ഠമായ ചിക്കന്‍ മസാല!!

-സുഖിമാന്‍.

സിങ്കപ്പൂര്‍ നുറുങ്ങുകള്‍ – 1

Posted by സുഖിമാന്‍ on April 21, 2011 with 1 Comment
റോഷന്‍ : എടാ നല്ല കിടിലം ചൈനീസ് പെണ്‍പിള്ളേരുണ്ട്
ഞാന്‍ : എവിടെ ?!!
റോഷന്‍ : ചൈനയില്‍ !!

കഥ കഥ കസ്തൂരി

Posted by സുഖിമാന്‍ on November 14, 2010 with 1 Comment

“എന്താ പൂച്ചകുറിഞ്ഞ്യാരേ, കുളിച്ചു കുറിയും തൊട്ട് ഇളംവെയിലത്തു ഇളം‌പുളിങ്ങ്യേം കഴിച്ചിരിക്കണേ?”, ഇന്നലെ രാത്രി ഉറക്കം വരാണ്ടു കിടക്കുമ്പോ ഇതോര്‍മ്മ വന്നു.. ഒരു 22 വര്‍ഷം മുമ്പ് ഇങ്ങനെ ഉറക്കം വരാതിരിക്കുമ്പോ അമ്മൂമ്മ പറഞ്ഞു തരാറുള്ള കഥകളില്‍ ഒന്നില്ലെ വാചകമാണു.. അന്നെത്രയെത്ര കഥകളായിരിന്നു.. അങ്ങനെ ഇന്നലെ രാത്രി തീരുമാനിച്ചതാണു, ആ കഥകളിലെ ചില കഥാപാത്രങ്ങളും, വാചകങ്ങളും കുറിചിടണമെന്നു.. അവയില്‍ ചിലതു..

വാഴപൊത്തില്‍ വാസുദേവന്‍

ശര്‍ക്കര ശങ്കുണ്ണി

എണ്ണയില്‍ ഉണ്ണിമായ

പപ്പടം കുഴലൂതി, ഇതൊക്കെ പൂച്ചകുറിഞ്ഞ്യാരുടെ മക്കളുടെ പേരാ..

കുറുക്കാ, കുറുക്കാ  കരളുവിട്… ശങ്കരനാനേ വങ്ക് തുറ, ആനയ്ക്കകത്തു പെട്ട ഒരു കുറുക്കച്ചന്റെ കഥയില്‍ നിന്നും

വാലു മുറിഞ്ഞ കുരങ്ങന്‍ കുമാരന്റെ കഥ…

കഥ കഥ കസ്തൂരി, കാഞ്ഞിരപ്പള്ളിയമ്പലത്തില്‍ തേങ്ങാ മൂത്തിളനീരായി... എന്റെ ശല്യം സഹിക്കതാകുമ്പോള്‍ അമ്മൂമ്മേടെ നം‌മ്പര്‍ ആണിത്..

സുഖിമാന്‍.
മായാ ജാലക വാതില്‍ തുറക്കും

വെറുതേ ഒരു പോസ്റ്റ്

Posted by സുഖിമാന്‍ on September 29, 2010 with No Comments

വണക്കം..  ഞാനിപ്പൊ സിങ്കപ്പൂരാണു.. എന്റെ ഇംഗ്ലീഷ് ബ്ലോഗ് വായികാത്തവര്‍ ഇതു വായിക്കുന്നുണ്ടോ എന്നറിയില്ല.. അല്ല, ഇതു ആരേലും വായിക്കുന്നുണ്ടോയെന്നുതന്നെ സംശയമാണു. എന്തായാലും കാര്യമിത്രയേയുള്ളു… ഞാന്‍ താല്‍കാലികമായി ഇന്ത്യ വിട്ടു. ഇപ്പോഴും പഠനം തന്നെ.. ഒരു വഴിക്കു പോണതല്ലേ ഒരു പിച്ചടി (PhD) എടുത്തേക്കാമെന്നു കരുതി..ഇപ്പൊ NTU, യില്‍ മൂക്കു കൊണ്ടു ക്ഷ, ട്ട, ണ്ണ വരയ്ക്കുന്നു.

ഇവിടെ ഇപ്പൊ കുറച്ചു സുഹ്രുത്തുകളെയൊക്കെ കിട്ടിയിട്ടുണ്ടു. കൂടുതലും ഇന്ത്യാക്കര്‍, തമിഴരും, ഹിന്ദിക്കാരും ആണു കൂടുതല്‍. ഇതൊരു പുതുമയുള്ള ചങ്ങാതികൂട്ടമാണു… ചീട്ടുകളി, പരദൂഷണം പറച്ചില്‍ എന്നിവയ്ക്കു പുറമേ, അന്താരാഷ്ട്ര രാഷ്ട്രീയം, നൂക്ലിയര്‍ ഫിസിക്സ് എന്നിവയില്‍ വന്‍കിട ചര്‍ച്ചകള്‍ (ഞാന്‍ അധികം മിണ്ടാന്‍ പോകാറില്ല ), പാട്ടു, ഡാന്‍സ് തുടങ്ങിയ കലാപ പരിപാടികള്‍, രാത്രികാലങ്ങളില്‍ ആരുടെയെങ്കിലും മുറിയില്‍ അരങ്ങേരാറുണ്ടു..

എന്റമ്മേ, എഴുതി പണ്ടാരമടങ്ങി… മലയാളം ഇതു വരെ ശരിയായിട്ടില്ല.. തല്‍ക്കാലം നിര്‍ത്തുന്നു..

ഡയറികുറിപ്പുകള്‍

Posted by സുഖിമാന്‍ on July 8, 2010 with 2 Comments

ജുലൈ 15 2007

ഇന്നു വിശാഖിന്റെ പിറന്നാള്‍. പത്തൊന്‍പതാം വയസ്സായതിനാല്‍ ഇംഗ്ലീഷ് മാസം ജന്മദിനവും ഇന്നു തന്നെ! വിശാഖിനോടു പിറന്നാളാശംസകള്‍ ഇന്നലെ പറഞ്ഞിരുന്നു. ഇന്നലെയെന്നുവെച്ചാല്‍ ഇന്നു തന്നെ, സമയം 00:00. :)

ഇപ്പൊ തോന്നിയതു : കവിതയെഴുതുകയെന്നതു ഒരു സ്വപ്നമാണു. എനിക്കതിനുള്ള കഴിവില്ല എന്നറിയാഞ്ഞിട്ടല്ല. എന്നെ കൊണ്ട് സാധിക്കാത്ത സംഭവങ്ങളുണ്ടെന്നു സമ്മതിക്കാന്നുള്ള വിഷമം. ഹ്റ്ദയത്തില്‍ നിന്നാണത്രെ കവിത വരുന്നതു (ഞാന്‍ പറയുന്നതല്ല,ഏതോ ഒരു പൊട്ടന്‍). അങ്ങനെയെങ്കില്‍ എനിക്കു ഹ്റ്ദയമ്മില്ലേ?? കാണില്ലായിരിക്കും. ചിലപ്പൊ, കവിത വരുന്ന ഭാഗം മാത്രം.

Whatever you resist will persist..  ഇതെങ്ങനെയാണു മലയാളത്തില്‍ എഴുതുക..

നല്ല രീതിയില്‍ തര്‍ജ്ജിമ ചെയ്യാന്‍ പറ്റിയാല്‍ ഈ സ്ഥലം ഉപയോഗിക്കാം :)

ആപ്പൊ ശരി… ഗുഷ് നൈറ്റ്.. :)

PS: സെല്ലാറില്ലെ പഴയെ പുസ്തകങ്ങള്‍ക്കിടയില്‍ നിന്നു കിട്ടിയതു..

കിണറ്റിലെ തവള, അല്ല എലി…

Posted by സുഖിമാന്‍ on April 17, 2010 with No Comments

സാജന്‍: കിണറ്റില്‍ എലി വീണല്ലോ
അഭിലാഷ്: ആ എലിപ്പെട്ടി കിണറ്റിലിട് ..
അജിന്‍: വേണ്ട, നമ്മുക്ക് പൂച്ചയെ ഇടാം.
ടെന്നി: ആരും പേടിക്കെണ്ട, ഞാന്‍ കിണറ്റില്‍ എലിവിഷം കലക്കീട്ടുണ്ടു.

International Symposium on Biocomputing – 2010

Posted by സുഖിമാന്‍ on February 13, 2010 with No Comments
കോഴിക്കോട് എന്‍.ഐ.ടി യില്‍ ബയോകമ്പ്യൂട്ടിങ്ങില്‍ അന്താരാഷ്ട്ര സിമ്പോസിയം.

കോഴിക്കോട് എന്‍.ഐ.ടി ബയോകമ്പ്യൂട്ടിങ്ങില്‍ ഒരു അന്താരാഷ്ട്ര സിമ്പോസിയം (ഐ.എസ്.ബി 2010) സംഘടിപ്പിക്കുന്നു. 2010 ഫെബ്രുവരി 15 മുതല്‍ 17 വരെ കോഴിക്കോട് കടവ് റിസോര്‍ട്ടില്‍ വെച്ചാണ് സിമ്പോസിയം നടത്തുന്നത്. കോഴിക്കോട് എന്‍.ഐ.ടി യും, അമേരിക്കയിലെ ഇന്‍ഡ്യാന യൂണിവേഴ്സിറ്റി പര്‍ഡ്യു യൂണിവേഴ്സിറ്റി, ഇന്‍ഡ്യാനപോലിസ്, ലോകത്തെമ്പാടുമുള്ള കമ്പ്യൂട്ടര്‍ എഞ്ചിനീയര്‍‌മാരുടെയും, ശാസ്ത്രജ്ഞരുടെയും സാങ്കേതിക കൂട്ടായ്മയായ അസോസിയേഷന്‍ ഫോര്‍ കമ്പ്യൂട്ടിങ്ങ് മെഷീനെറി (എ.സി.എം) യുടെയും സം‌യുക്ത സം‌രഭമായിട്ടാണ് സിമ്പോസിയം സംഘടിപ്പിക്കുന്നത്.

വിവിധ ഭൂഘണ്ഡങ്ങളില്‍ നിന്നുമായി 11 രാജ്യങ്ങളില്‍ നിന്നുമുള്ള പ്രതിനിധികള്‍ സിമ്പോസിയത്തില്‍ പങ്കെടുക്കുന്നുണ്ട്. ആറു സെഷനുകളിലായി നടക്കുന്ന സിമ്പോസിയത്തില്‍, ഈ വിഷയത്തിലുള്ള പ്രബന്ധാവതരണങ്ങള്‍ക്കു പുറമേ  ബയോകമ്പ്യൂട്ടിങ്ങ് രംഗത്തെ ലോകപ്രശസ്തരായ പ്രമുഖര്‍ നയിക്കുന്ന ചര്‍ച്ചാ ക്ലാസ്സുകളും ഉണ്ടാകും.

കമ്പ്യൂട്ടര്‍ സയന്‍‌സ്, ലൈഫ് സയന്‍‌സ്, സ്റ്റാറ്റിസ്റ്റിക്സ് തുടങ്ങിയ മേഖലകളില്‍ പ്രവര്‍ത്തിക്കുന്ന ഗവേഷകര്‍ക്ക് അവരുടെ ആശയങ്ങള്‍ പങ്കുവെയ്ക്കുന്നതിനു പൊതുവായ ഒരു വേദി ഈ സിമ്പോസിയം വഴി ലഭ്യമാകും. ഈ മേഖലകളില്‍ പ്രവര്‍ത്തിക്കുന്ന വിദഗ്‌ദ്ധര്‍ക്കു അവരുടെ ഗവേഷണഫലങ്ങള്‍ സമഞ്ജയമായി സമ്മേളിപ്പിച്ചു ബയോ ഇന്‍ഫൊര്‍മാറ്റിക്സ് രം‌ഗത്ത് നൂതനമായ സംഭാവനകള്‍ നല്‍കാന്‍ ഇതുവഴി സാധ്യമാകും.

കാനഡയില്‍ നിന്നുമ്മുള്ള ഡോ. ഡാന്‍ ടള്‍പന്‍, അമേരിക്കയില്‍ നിന്നുമ്മുള്ള ഡോ. ഷിയാഫെന്‍ ഫാങ്, ഡോ. ജേക്ക് ചെന്‍, ബോംബെ ഐ.ഐ.ടി യിലെ പ്രൊഫസര്‍ ഡോ. പ്രമോദ് വാംഗികര്‍, ബാഗ്ലുരിലെ ജൂബിലന്റ് ബയോസിസ് ലിമിറ്റഡ് ഡയറക്ടര്‍ ഡോ. വി. എന്‍. ബാലാജി, കേരള യൂണിവേഴ്സിറ്റി സെന്റര്‍ ഫോര്‍ ബയോ ഇന്‍ഫര്‍മാറ്റിക്സ് ഡയറക്ടര്‍ ഡോ. അച്യുത്‌ശങ്കര്‍ എസ്. നായര്‍, രാജീവ് ഗാന്ധി സെന്റര്‍ ഫോര്‍ ബയോടെക്നോളജിയിലെ ഡോ. സതീഷ് മുണ്ടയൂര്‍ തുടങ്ങിയവര്‍ വിവിധ സെഷനുകള്‍ നയിക്കുകെയും ക്ഷണിക്കപ്പെട്ട പ്രബന്ധങ്ങള്‍ അവതരിപ്പിക്കുകയും ചെയ്യും‍.

കമ്പ്യൂട്ടര്‍ ശാസ്ത്രജ്ഞന്‍‌മാരും , ജീവ ശാസ്ത്രജ്ഞന്‍‌മാരും തമ്മില്ലുള്ള ഈ സര്‍ഗാത്മക സഹകരണം മനുഷ്യ ജീവിതത്തിന്റെ ആരോഗ്യകരവും, ആഹ്ലാദകരവുമായ വികാസത്തെ ആത്യന്തിക ലക്ഷ്യമായി കാണുന്നു. ആഴത്തില്ലുള്ള ഗവേഷണപഠനം നടത്തുന്ന വിദ്യാര്‍‌ത്ഥികള്‍ക്കും അദ്യാപകര്‍ക്കും, ഈ സിമ്പോസിയം ഒരു വലിയ സാധ്യത തന്നെ തുറന്നിടുകെയാണ്.

ഫെബ്രുവരി 15 തിങ്കളാഴ്ച രാവിലെ ഒമ്പതു മണിക്കു കടവ് റിസോര്‍‌ട്ടില്‍ എന്‍.ഐ.ടി ഡയറക്ടര്‍ ഡോ. ജി. ആര്‍. സി. റെഡ്ഡിയുടെ അധ്യക്ഷതയില്‍ ചേരുന്ന യോഗത്തില്‍ അമേരിക്കയിലെ ഇല്ലിനോയി സര്‍‌വകലാശാലയിലെ പ്രൊഫസറും, വിഖ്യാത മോളിക്കുലാര്‍ ഫിസിയോളജി വിദഗ്‌ദ്ധനുമായ ശ്രീ. എറിക് ജേക്കബ്സണ്‍ സിമ്പോസിയം ഉദ്ഘാടനം ചെയ്യും. ശ്രീ. എം. കെ. രാഘവന്‍ എം.പി., ജില്ലാ കളക്ടര്‍ ഡോ. പി.ബി. സലിം, ഡോ മാത്യു പാലക്കല്‍ (പ്രോഗ്രാം ചെയര്‍), ഡോ. എം. പി. സെബാസ്റ്റ്യന്‍ (ഓര്‍ഗനൈസ്സിംഗ് ചെയര്‍), ഡോ. വിനീത് പലേരി (ഹെഡ്, കമ്പ്യൂട്ടര്‍ സയന്‍സ് ഡിപ്പാര്‍ട്ടുമെന്റ്, എന്‍.ഐ.ടി)  എന്നിവര്‍ യോഗത്തില്‍ പങ്കെടുക്കും. ഉദ്ഘാടനത്തിനു ശേഷം പ്രൊഫ. ജേക്കബ്സണ്‍ മുഖ്യപ്രഭാഷണം അവതരിപ്പിക്കും.

ഫെബ്രുവരി 16 ചൊവ്വാഴ്ച വൈകിട്ടു ആറു മണിക്കു കേന്ദ്ര മാനവ വിഭവശേഷി വികസന വകുപ്പു സഹമന്ത്രി ശ്രീമതി പുരന്ദേശ്വരി സിമ്പോസിയത്തില്‍ പ്രത്യേക പ്രഭാഷണം നടത്തും.

ഫെബ്രുവരി 17 ബുധനാഴ്ച ഉച്ചയ്ക്കു ശേഷം നടക്കുന്ന പ്ലീനറി സെഷനില്‍ സിമ്പോസിയത്തിന്റെ വിലയിരത്തലോടെ സിമ്പോസിയം സമാപിക്കും.

ഡോ. മാത്യു പാലക്കല്‍ (ഇന്‍ഡ്യാന യൂണിവേഴ്സിറ്റി പര്‍ഡ്യു യൂണിവേഴ്സിറ്റി, ഇന്‍ഡ്യാനപോലിസ്, അമേരിക്ക), ശ്രീ. കെ.എ. അബ്ദുള്‍ നസീര്‍ (കമ്പ്യൂട്ടര്‍ സയന്‍സ് ഡിപ്പാര്‍ട്ടുമെന്റ്, എന്‍.ഐ.ടി), ഡോ. അശ്വതി നായര്‍ (സ്കൂള്‍ ഓഫ് ബയോടെക്നോളജി, എന്‍.ഐ.ടി) എന്നിവര്‍ പ്രോഗ്രാം ചെയറും, ഡോ. എം. പി. സെബാസ്റ്റ്യന്‍ (കമ്പ്യൂട്ടര്‍ സയന്‍സ് ഡിപ്പാര്‍ട്ടുമെന്റ്, എന്‍.ഐ.ടി), ഡോ. എസ്.ഡി.മധുകുമാര്‍ (കമ്പ്യൂട്ടര്‍ സയന്‍സ് ഡിപ്പാര്‍ട്ടുമെന്റ്, എന്‍.ഐ.ടി), ഡോ. ജി.കെ.രജനീകാന്ത്  (സ്കൂള്‍ ഓഫ് ബയോടെക്നോളജി, എന്‍.ഐ.ടി), എന്നിവര്‍ ഓര്‍ഗനൈസ്സിംഗ് ചെയറും, ഡോ. വിനീത് പലേരി (കമ്പ്യൂട്ടര്‍ സയന്‍സ് ഡിപ്പാര്‍ട്ടുമെന്റ്, എന്‍.ഐ.ടി) പബ്ലികേഷന്‍ ചെയറുമായിട്ടുള്ള കമ്മിറ്റിയാണ് സിമ്പോസിയം സംഘടിപ്പിക്കുന്നതിന് നേത്രത്വം നല്‍കുന്നത്.