Posts by date : August 2009

നീളം കൂടുന്ന ഈര്‍ക്കില്‍ – രണ്ടാം ഭാഗം

Posted by സുഖിമാന്‍ on August 21, 2009 with 2 Comments

ഒരു അരയിഞ്ചും, രണ്ടു മുഴുവന്‍ ഇഞ്ചും ഒടിഞ്ഞ ഈര്‍ക്കിലുമായി മീര റ്റീച്ചറുടെ മുന്‍പില്‍ ഞങ്ങള്‍ മൂന്നു പേര്‍ നില്‍ക്കുന്നതെനിക്കിപ്പോളും ഓര്‍മ്മയുണ്ട്.

ആദ്യം ഹരിയുടെ ഊഴമായിരുന്നു. അവന്‍ കേട്ടതു മാറിയിരുന്നു. ആള്‍ കരുതിയതു മോഷ്ടാവിന്റെ ഒഴികെയുള്ള ഈര്‍ക്കിലുകള്‍ ഒരിഞ്ചു നീളം കുറയുമെന്നായിരുന്നു. കുറയും കുറയുമെന്നു കരുതി കുറേ നേരമിരിന്നു ക്ഷമകെട്ടപ്പോള്‍ കര്‍ത്താവിന്റെ പണി പുള്ളിക്കാരന്‍ തന്നെയങ്ങു ചെയ്തു.

എന്റെ കാര്യം പിന്നെ അറിയാമ്മല്ലൊ? അറിയില്ലെങ്കില്‍, ദാ ഇവിടെ നോക്കൂ… :)

അങ്ങനെ ഞങ്ങളെ രണ്ടു പേരെയും വെറുതെ വിട്ടൂ. മൂന്നാമന്‍ വളരെ വൈകിയാണു തിരിച്ചെത്തിയതു. അവന്‍ വിഷ്ണുവിനു ബോക്സ് തിരിച്ചു കൊടുക്കുകയും, മാപ്പു പറയുകെയും ചെയ്തു.

അതിനിടയിലെപ്പോഴോ ഹരി മറ്റുള്ളവരോടു പറയുന്നതു കേട്ടു, “ഞാനും, വിവേകും കേട്ടതു ഈര്‍ക്കിലുകള്‍ ഒരിഞ്ചു നീളം കുറയുമെന്നായിരുന്നു. കുറയാത്തപ്പോള്‍ ഞങ്ങള്‍ തന്നെ അങ്ങൊടിച്ചു” (ഹരിയുടെ കേള്‍വിക്കുറവു ഒരനുഗ്രഹമായി).

എന്തുകൊണ്ടും എന്റെ വിശദീകരണത്തിലും നല്ലതായതിനാല്‍ ഞാന്‍ തിരുത്താനും പോയില്ല, ദാ ഇതു വരെ!! :)

സുഖിമാന്‍.